სს "ნიკორა ტრეიდი" უმსხვილესი და სწრაფად მზარდი კომპანიაა, რომელიც რითეილ სექტორში 2000 წელს ერთი საფირმო ფილიალით გამოჩნდა და დღეს ორი წამყვანი ბრენდის - "ნიკორასა" და "ლიბრეს" 600-ზე მეტ სავაჭრო ფილიალს მართავს.
"ნიკორა ტრეიდი" ეს გუნდია, რომელიც ქმნის წარმატების 24 წლიან ისტორიას. ჩვენ დღეს 8500-მდე ვართ და ერთად ვქმნით კომპანიის ხვალინდელ დღეს.
თუ გაქვს სურვილი, გახდე პროფესიონალი გუნდის წევრი, გამოწვევები აქციო შენი განვითარების შესაძლებლობად და ჩვენთან ერთად შექმნა შენი წარმატების ისტორია, მაშინ დროა შემოგვიერთდე.

სს „ნიკორა ტრეიდი“ აცხადებს  ვაკანსიას ფილიალის მენეჯერის პოზიციაზე ქ. თბილისში.

ჩვენ გთავაზობთ:

•  გაზრდილ ანაზღაურებას - 1400-2250 ლარს ბონუსი;
• კარიერული ზრდის სწრაფ შესაძლებლობას;
•  მდიდარ კორპორაციულ კულტურასა და მეგობრულ სამუშაო გარემოს.

ფუნქცია-მოვალეობები:

• სავაჭრო ობიექტის მიმდინარე საოპერაციო და სავაჭრო პროცესების მართვა/ მონიტორინგი;
• დაქვემდებარებული თანამშრომლების კოორდინირება და მართვა;
• პროდუქციის რეალიზაციის ზრდაზე მუდმივი ზრუნვა და გაყიდვების ანალიზი;
• პროდუქციის მიღებისა და სწორად დასაწყობების პროცესის მონიტორინგი;
• სავაჭრო ობიექტზე წარმოდგენილი პროდუქციის მარაგების კონტროლი და პროდუქციის უწყვეტობის მიზნით, შეკვეთების სწორად წარმოება;
• საავჭრო ობიექტზე დაგეგმილი აქციების საორგანიზაციო საქმის წარმოება და პროცესის მართვა;
• სავაჭრო ობიექტზე  პროდუქციის  გეგმიური აღწერის წარმოება და მასთან დაკავშირებული სამუშაოების სწორად შესრულების მონიტორინგი;
• სავაჭრო დარბაზში სანიტარულ-ჰიგიენური ნორმების დაცვის კონტროლი.

საკვალიფიკაციო მოთხოვნები:

• უმაღლესი განათლება;
• სავაჭრო მიმართულებით მენეჯერულ პოზიციაზე მუშაობის მინიმუმ 1 წლიანი გამოცდილება;
• საოფისე პროგრამების მომხმარებლის დონეზე ცოდნა,
• რუსული და ინგლისური ენების სასაუბრო დონეზე ცოდნა სასურველია.

პიროვნული თვისებები:

• შრომისმოყვარეობა და ენერგიულობა;
• პასუხისმგებლობის მაღალი გრძნობა;
• გუნდის მართვის და საქმის დელეგირების უნარი;
• დეტალებზე ორიენტირებულობა და ანალიტიკური აზროვნება;
• დაგეგმვისა და დროის ოპტიმალურად განაწილების უნარი.

გაცნობებთ, რომ  თქვენ მიერ მოწოდებული ინფორმაცია, რომელიც შეიცვას პერსონალურ მონაცემებს,  დამუშავდება სს „ნიკორა ტრეიდისა“ ს/კ 206255808 და უფლებამოსილი პირის - შპს „თი.დი.ჯი კონსალტინგის“ ს/კ 405123049  (რეგისტრირებული მისამართი: თბილისი, მთაწმინდის რაიონი, ქუჩიშვილის ქ., N 18, სართული 1, საოფისე ფართი N2) მიერ  „პერსონალურ მონაცემთა დაცვის შესახებ“ საქართველოს კანონის  შესაბამისად  დასაქმების მსურველი პირის/კანდიდატის   არსებულ და/ან სამომავლო ვაკანსიის მოთხოვნებთან შესაბამისობის დადგენისა  და  დასაქმებისათვის საჭირო პროცედურების წარმართვის მიზნით. შესაბამისად, მოთხოვნილი ინფორმაციის მოუწოდებლობის შემთხვევაში, მოკლებული ვართ შესაძლებლობას განვიხილოთ თქვენი კანდიდატურა.   მონაცემები ინახება არაუმეტეს 3 (სამი) წლის ვადით. ამასთანავე, გაცნობებთ, რომ „პერსონალურ მონაცემთა დაცვის შესახებ“ საქართველოს კანონის თანახმად, უფლება გაქვთ ნებისმიერ დროს მიიღოთ ინფორმაცია თქვენს შესახებ დამუშავებულ მონაცემთა თაობაზე, მოითხოვოთ მათი გასწორება, განახლება, დამატება, დაბლოკვა, წაშლა და განადგურება, წერილობით შემდეგ ელ. ფოსტაზე info@nikoratrade.ge  შეტყობინების გაგზავნის გზით ან/და ფოსტის მეშვეობით სს „ნიკორა ტრეიდის“ ს/კ 206255808 იურიდიულ მისამართზე: ქ. თბილისი ალ. მრევლიშვილის ქ. №2.

გახდი  ჩვენი  გუნდის წევრი J

გამოაგზავნე შენი მონაცემები ელექტრონულ ფოსტაზე: staff@nikoratrade.ge და სათაურის ველში (subject) მიუთითე ვაკანსიის დასახელება ,,ფილიალის მენეჯერი’’.

გისურვებთ წარმატებას!