"ნიკორა სუპერმარკეტის" ქსელის გაფართოების პროცესი კვლავ გრძელდება. თბილისში, საბურთალოს რაიონში კომპანიამ ორი ახალი სავაჭრო ობიექტი გახსნა. იპოდრომის მიმდებარე ტერიტორიაზე - კარტოზიას 8 ნომერში არსებული სუპერმარკეტი უკვე რამდენიმე დღეა ემსახურება მომხმარებელს, გუშინ კი ახალი ობიექტი სპორტის სასახლესთან - ალექსიძის 12 ნომერში ამოქმედდა.
"ნიკორა სუპერმარკეტი" ქართულ ბაზარზე ყველაზე მრავალრიცხოვანი ქსელითაა წარმოდგენილი. კომპანია მის საკუთრებაში არსებულ 110-მდე ობიექტში, მომხმარებელს 8 ათასზე მეტი დასახელების პროდუქტს სთავაზობს. გამონაკლისი არც ახალი სუპერმარკეტები იქნება - ობიექტებში ქართული და უცხოური წარმოების კვების პროდუქტების, ჰიგიენის საშუალებებისა და პირველადი მოხმარების საოჯახო ნივთების მრავალფეროვანი ასორტიმენტია წარმოდგენილი.
